بەڕێوەبەرێتی تۆمار، یەكێكە لە بەڕێوەبەرێتیە گرنگەكانی پەیمانگە، چونکە دڵی ناوەندەکەو کارە سەرەکییەکانی فێرخوازانی کەوتۆتە ئەستۆ، بۆیە یەکێکە لە گرنگترین و سەرەکیترین ستوونەکانی هەر دامەزراوەیەکی پەروەردەیی و خوێندنی باڵا (وەک زانکۆ و پەیمانگاکان)، لەبەرئەمەش ئەم بەڕێوەبەرێتییە پردی پەیوەندیە لەنێوان فێرخواز و بەشە زانستییەکان و کارگێڕیی ناوەندی دامەزراوەکە، و بەرپرسە لە ڕێکخستن و پاراستنی سەرجەم زانیارییە ئەکادیمی و کەسییەکانی فێرخوازان لە سەرەتای وەرگیرانیانەوە، تا دەرچوون، بۆیە لە بەڕێوبەرێتی تۆماردا هەموو زانیارییەكی كەسی فێرخواز لە ماوەی خوێندنیدا لەگەڵ هەموو ئەوشتانەی لەو ماوەیەدا دەیگرێتەوە، یاخود بە درێژایی ژیانی داوای دەکات تۆماردەكرێت و لە دۆسیەی تایبەت بە خۆیدا هەڵدەگیرێت.
بەڕێوەبەرێتیی تۆمار بەخێرهاتنی فێرخوازان و دەرچووانی خۆشەویست دەکات و دەخوازین تۆمار بە ماڵی خۆتان بزانن، لەم سۆنگەوە هەمیشە جەخت لەسەر هەوڵی بەردەواممان دەکەینەوە، لەپێناو پێشکەشکردنی باشترین ئاستی خزمەتگوزارییە کارگێڕییەکان و ڕاپەڕاندنی کاری سەرجەم فێرخوازان و دەرچووانی بەڕێز، ئەمەش لەڕێگەی لێهاتووییەکی کارا و شەفافییەتێکی تەواوەوە جێبەجێدەکەین، ئێمە هەمیشە بەوپەڕی دڵسۆزی و بەرپرسیارێتییەوە کار دەکەین، لەپێناو ڕاپەڕاندنی سەرجەم کارەکانتان بە میکانیزم و ڕێگە جیاوازەکان و ئاسانکاریکردن و پاراستنی ماف و زانیارییەکان بەوپەڕی وردییەوە، ئەمەش بە پشتبەستن بە نوێترین سیستەمە تەکنەلۆجییەکان و کارامەیی و تواناکانی فەرمانبەران، لەپێناو بە خێرایی ڕاپەڕاندنی کارەکان و گێڕانەوەی کات و ماندوونەکردن و لە چاوەڕوانیدا نەهێشتنەوەی فێرخوازان و دەرچووان، لەگەڵ دابینکردنی ژینگەیەکی کارگێڕیی ئارام و هاندەر، کە دەستەبەری بەدیهێنانی باڵادەستیی دامەزراوەیی و بەهێزکردنی پەیوەندییەکان و متمانە و باوەڕپێکراوی بکات لەگەڵ هەموواندا و لە هەموو کاتێکدا.تکایە بۆ زانیاری زیاتر و ئاگادربوون لە هەواڵ و ڕێنماییەکان و تەواوبوونی بڕوانامەکەت، ڕۆژانە سەردانی لینکی تایبەتی بەڕێوەبەریەتی تۆمار بکە.
